طريقة عمل مخلل الزيتون الأسود والباذنجان السوداني

مخلل الاسود او البازنجان 

تجربتي مع الباذنجان

اول مرة في حياتي اكلت الباذنجان في دولة مصر قبل كم سنين كنت اسكن بالقرب من سودانيين عايشين في مصر
 من بدري والدتهم اسمها نجاة بنقول ليها ام مريم علي بتها الكبيرة (ربنا يرحمها )
  كانت مرة كريمة جدا واصيلة وطيبة بصورة غريبة كنا بنخجل ونتحسس من الكرم بتاعن وكانت بالجد بتعكس صورة واخلاق السودانيين في خارج السودان بصورة جميلة ومشرفة

عزمونا رحلة نهارية اللفت نظري انو الاكل بتاعهم كان بختلف تمام عن الاكل السوداني البنشيلو نحن هنا غالبا بنشيل حاجات كتيرة من جداد ولحمة وحلويات وغيرها   ... الاكل كان عبارة عن حاجات بسيطة جبنة زيتون سلطة مخلل اسود وعيش وكم نوع من الفواكة زايد موية وعصير  ....  يلا كانت عاملة مخلل الأسود والباذنجان والاسود هناك حجمو صغير ولديه لونين اسود وابيض  كان طعمو جميل جداً 
من الزمن داك المخلل في بالي وما عملتو الا قبل كم يوم واحدة 

بعد هذه المقدمة نتقل الي طريقة عمل مخلل الأسود والباذنجان

طريقة التحضير :

1- الاسود الحجم الصغير تخلي كامل والكبير ممكن تقسمي علي 2 او 4 حسب حجمها
2- تسلقي الأسود بالقشر بتاعو في موية حرارة متوسطة  بمعني يكون متماسك تنتبهي ما يحمر شديد ويتهرد تطلعي من الموية وتخلي يبرد 
3- تقومي بتجهيز خلطة الحشوة اللي بتتكون من :
جزرة مبشورة ناعم
 توم مدقوق ناعم
شطة خضراء مدقوقة
شطة حمراء بدرة
ملح فلفل شمار كسبرة خل كمية معقولة 
 زيت زيتون او سمسم 
4-  بالمعلقة تشقي الاسودة لجوة عشان الحشوة تقعد بأرتياح تام اذا جوة الاسودة في بزور كبيرة ومزعجة تطلعيها كما موضح بالصورة 

5- تقومي بحشو الاسود وتضيعها في وعاء بلاستيك (موضح بالصورة ) يكون بغطاء واذا فضلت باقي من الخلطة تكبي علي الاسود من فوق وتقفلي ويتخت ف التلاجة  

بالهناء ليكم شيرو الرابط مع صحباتكم ♥
**** ادعو معاكم لام مريم بالرحمة والمغفرة *****
الوصفة من طرف  Remo Remo
شاهدي ايضاً طريقة عمل البسبوسة بالضغط هنـــــــــــــــــــا

مشاركة

عن akhbarsudan