إستمتعى بالطهى
من خلال تصفح أكثر من
650,000 من الوصفات اللذيذة.
الرئيسية » » طريقة عمل كعك جوز الهند بطريقة سودانية

طريقة عمل كعك جوز الهند بطريقة سودانية

السلاااام عليكم ورحمه الله متابعات مدونة المطبخ السوداني
الليلة عندنا ليكم طريقة عمل كعك جوز الهند او ( الفوشي (ناعم الجوزة))
 بطريقة سودانية مقدمة من شيف ام ردينة ♥ 

المكونات والمقادير المطلوبة :

- كوب جوز هند
- كوب نشا
- كوب سكر مسحون
- نص كوب سمن
- نص كوب زيت عادي
-  ملعقة كبيرة فانيليا
- ذرة ملح
-  ذرة نشادر
-  4بيضات
- دقيق مخصوص 

طريقة التحضير :

- تخلطي كل المواد الجافة مع بعض عدا الدقيق .
- تكسري البيض في الخلطة ومعاهو الزيت والسمنة
- تحركي بي يدك بتتكون عجينة شبه سائلة
- تضيفي الدقيق شوية ..شوية لحدي ماتفك العجنة من يدك 

- يلا تكوني مسخنة الفرن وتمسحي الصينية بحبة زيت ...
- تبدي تشكلي العجنة طوالي يعني ما
دايرة زمن ترتاح ...اما اصابع زي طريقتي في الصورة تحت او كورات
ملحوظة :راعي لي انو تفريقها من بعض لانها بتتضاعف في الحجم بتديها خمسة دقائق بس في الفرن يعني مايتغير لونا ولاتحمر ...
واخيراً  بعد يبرد تسكريهو زي طريقة الناعم العادية .  وبالهنا ليكم ♥

مشاركة

عن akhbarsudan

1 تعليقات :