ام دفانة من الأكلات التقليدية السودانية (بوست تعريفي)
اسمها ام دفانة وهي احلى اكلة ومنتشرة في اماكن رعي الابقار والعرب الرحل والفكرة انها تُخبز على ارض مسخنة بالفحم وتغطى بالفحم فتصبح مثل الفرن وبرضو يمكن عملها بطريقة اخرى وبقولو عليها ام حليبين أو ام لبنين بِيعجنوها بِي لـبن وبِيربوها بِي لـبن وعندها عدة طرق للطهي في ناس بعجنو الدقيق باللبن في الحلة ثم يصبوا عليه دقيق الدخن، وفي ناس بضيفو حبة سكر وبعد تنجض بملحوها بلبن تانى .. تصبح أم لبنين وهى من أكلات البقارة المفضلة في بداية الرشاش أو فى بداية الموسم وبيأكلوها الناس البمشو مع البهائم لأنو عجنها مع اللبن يوفر لهم حصة الماء خاصة وانو موسم المطر بكون لسه ما بدأ والصورة بعد يولعو النار وتهمد بفجوها ويرشو شوية دقيق عشان يصبو العجين
في ناس بعملوها بي دقيق الدُخُن وتعجن بالحليب والعجين بِتاعها بيكون قريب لعجينة "الرغيف" او العيش ويتم تجهيز مكان الطهي يوقد حطب على الارض وينتظر إلى ان تهمد النار تماما وعندما تنتهي النار ويتحول الحطب إلى هبوت يساوي السطح بعود او عصا ويسمى الفج يعني بِنفـِج النار ويرش محل الفج بالدقيق فيعمل طبقة او عازل يمنع إلتصاق التراب والهبود في العجين ونصب العجين ويشرشر من فوقه دقيق ليكون طبقة عازلة من فوق ثُم نهيل عليِها باقِي التُراب الساخِن الممزوج بالرماد مِن أعلي وتتغطي كـُلياَ ثُم يوقد من فوقها النار مره أخري بزيادة حطب أو صفق شجر معين وقـش وتترك حتى تنضج ثم يتم اخراجها وتوضع في صحن كبير وتقطع لقطع صغيرة ويسكب عليها الحليب والسمن والسكر والصورة 2 بعد رش الدقيق بكبو شويه من العجين لعمل طبقة عازلة وما تنسو تشوفو التكنلوجيا في الخلا يعني برضو بخشو نت
اسمها ام دفانة وهي احلى اكلة ومنتشرة في اماكن رعي الابقار والعرب الرحل والفكرة انها تُخبز على ارض مسخنة بالفحم وتغطى بالفحم فتصبح مثل الفرن وبرضو يمكن عملها بطريقة اخرى وبقولو عليها ام حليبين أو ام لبنين بِيعجنوها بِي لـبن وبِيربوها بِي لـبن وعندها عدة طرق للطهي في ناس بعجنو الدقيق باللبن في الحلة ثم يصبوا عليه دقيق الدخن، وفي ناس بضيفو حبة سكر وبعد تنجض بملحوها بلبن تانى .. تصبح أم لبنين وهى من أكلات البقارة المفضلة في بداية الرشاش أو فى بداية الموسم وبيأكلوها الناس البمشو مع البهائم لأنو عجنها مع اللبن يوفر لهم حصة الماء خاصة وانو موسم المطر بكون لسه ما بدأ والصورة بعد يولعو النار وتهمد بفجوها ويرشو شوية دقيق عشان يصبو العجين
في ناس بعملوها بي دقيق الدُخُن وتعجن بالحليب والعجين بِتاعها بيكون قريب لعجينة "الرغيف" او العيش ويتم تجهيز مكان الطهي يوقد حطب على الارض وينتظر إلى ان تهمد النار تماما وعندما تنتهي النار ويتحول الحطب إلى هبوت يساوي السطح بعود او عصا ويسمى الفج يعني بِنفـِج النار ويرش محل الفج بالدقيق فيعمل طبقة او عازل يمنع إلتصاق التراب والهبود في العجين ونصب العجين ويشرشر من فوقه دقيق ليكون طبقة عازلة من فوق ثُم نهيل عليِها باقِي التُراب الساخِن الممزوج بالرماد مِن أعلي وتتغطي كـُلياَ ثُم يوقد من فوقها النار مره أخري بزيادة حطب أو صفق شجر معين وقـش وتترك حتى تنضج ثم يتم اخراجها وتوضع في صحن كبير وتقطع لقطع صغيرة ويسكب عليها الحليب والسمن والسكر والصورة 2 بعد رش الدقيق بكبو شويه من العجين لعمل طبقة عازلة وما تنسو تشوفو التكنلوجيا في الخلا يعني برضو بخشو نت
وفي ناس بعملوها بالعجين الحامض وناس بعملوها بعجين فطير معجون بالماء حتى يصير سميكاً متماسكاً، يعنى ذى العصيدة ولكن غير منضجه، ثم نزح النار ويفج الرماد ويضعو أم دفانه يصبوها بشكل دائري زي القراصة او شكل طولي زي الطوبة او المدماك ثم يهيلو عليها الرماد ثم التراب وتوقد النار من فوق ليها وبعد نصف ساعة تقريباً تطلع أم دفانه وتقشر القشرة الخارجية الجافة لأنو بكون لاصق عليها شوية تراب ورماد، ثم تملح أم دفانه المعمولة بالعجين الحامض بالملاح والمعمولة بالعجين الفطير بملحوها باللبن والصورة بهيلو عليها النار لدفنها
وتوجد اكلة اخرى بعملوها مع ام دفانه لو الناس كتيرة او ما شبعت يعني ذي زيادة كده واسمها ام كرت كرت وهى من الاكلات الشعبيه الخفيفه لاهلنا المسيريه وتشبه المديده او العصيده وبقولو ليها المقلوبه وطريقة تحضيرها هى ان يغلى البن فى النار حتى يفور الفوره الاولى يرفعو الحله ويختوها تاني فتغلي ثم يصب اللبن على اناء على الارض به دقيق دخن ويخلط بسرعة مع الحليب على الارض يعنى ليس على النار حتى يختفي الدقيق ودي بتعتمد على درجة غليان وسخونة اللبن وتؤكل طوالي بعد الخلط
0 تعليقات :
إرسال تعليق