السلام عليكم يا بنات ♥
ونقول معا لتنحيف الخصر وشد الارداف، ومعا لمحاربة الرمرامات والدبدوبات ومعا من اجل فتيات بدون (كرش)
طبعا كتير من البنات خاته في بالها انها اول ماتمشي الجيم وتقعد ترقص (زومبا ) مع المدربه جسمها حيكون جميل ومنسق زي اجسام الموديلز العالميات
لا والله يا حبيبتي الموضوع ما بالبساطه دي 
❌
❌
الرقيص براهو مابعمل ليكي القوام الانتي بتحلمي بيهو ❌
❌
ولا اكل الشكولاته ولا الاندومي ولا حتي الرمرمه الساكت ولا اب نجمه ولا اب صفقه ولا الثوره بالنص دا كلو مرض وكلام فارغ ساي
❌❌❌❌
طيب 🤔😏نحنا لو دايرين قوام حلو زي بتاع الموديلز والقوام الانحنا بنحلم بيهو نعمل شنو ؟
اول حاجه لازم تعرفيها انو القوام الجميل دا ما عباره عن مويه واملاح محبوسه تحت الجلد البتسببا الحبوب المنتشره وسط البنات دي اب نجمه وغيرو
القوام الجميل دا بجي ناتج لي تغذيه سليمه وعمل شاق 
✅
✅
هههههه واحده حتقول لي التغذيه عرفنها العمل الشاق دا شنو ؟ 😢😏نشتغل طلبه مثلا😂
لا ما تشتغلي طلبه 😂
بس لمن تمشي الجيم ما تقضيها بس رقيص وترجعي
طبعا الرقيص (الزمبا) بيعتبر تمرين كارديو يعني تمرين لحرق السعرات الحراريه فقط ✅
✅
انتي محتاجه تمارين احمال 
🏋🏼♀️
🏋🏼♀️
احمال شنو بت الناس؟ انتي دايرنا نبقي معضلات !😱
ههههه😂 لالا ماتخافي ما حتبقي معضله انتي ربنا خلقك انو الهرمون البخلي الناس معضلين قليل عندك جدا فاشنو استكيني وشيلي الهلوسه دي من راسك يا صحبتي😂
انتي لمن تتمرني بالاحمال بتزيد عندك المناطق البتخلي قوامك جميل 💃🏼🏃🏼♀️وشكلك حلو وتكسبي صحتك وبي تمارين الزومبا حتتخلصي من الدهون الغير مرغوب فيها وبي كده قوامك حيكون زي الموديلز العالميات.
في الختام نلخص ونقول
تغذيه صحية + عمل شاق + تمارين احمال + زومبا + صبر = القوام الأنتي بتحلمي بيهو (وووب علي )
👇🏼
المقالة الجاية ان شاء الله حتكون عن👇🏼
وكيف النحيفات يتكلبظو ودي برضو اضغي علي كلمة هنــــا للانتقال للمقالة
يلا الكلام الفوق دا كلو من كوتش حسن المتميز جدا وكوتش محاسن لو سمعتو بيها ♥
وفي الختام سلام❤️
0 تعليقات :
إرسال تعليق