خطوات بسيطة لزيادة الوزن وبشرح بسيط

المقالة الثالثة والاخيرة🌹

بتهمك لو معدل الحرق عندك عالي 

بأسلوب سهل بسيط بعيد عن التعقيد👌🏽

(بمعنى بتاكلي وتشربي بس وزنك ما بزيد)

الفئه الانا عاوزة اتكلم عنها الليلة  دي موجوده وبكثره وسط البنات وفي كل بيت هههههههه ودايمآ بتكون شاطره وعمليه وحركته كتيره وماجايبه خبر لي صحته وما بتهتم بالاكل لو جااااااعة شديد بتاكل ليها بالكتير نص عيشه باي حاجه وبتمشي يوما عادي والاكل دا اخر اولوياته شير ليها بالله

اكيد كلكم عرفتو انا قاصد اي فئه من البنات 🌺

يلا نجي لي اسباب النحافه دي 

اولا ممكن تكون سبب وراثي جيني يعني البت تلقها ماخده النحافه دي من امها ، امها معدل الحرق عندها عالي وهي طلعت عليها .
وممكن برضو يكون سبب مرضي عندها فقر دم او اي مرض بخليها ماتاكل او تاكل حاجات وحاجات لا .

يلا نجي للحلول ✅

المشكله دي طبعا حلها مش بالاكل فقط لانو في بنات نحيفات بياكلو ومابزيدو 🤔
المشكله دي حلها اكل وتمرين وراحه ✅💪🏼
قبل الاكل والتمرين والراحه نجي لي نقطه مهمه عشان توضح ليكم الفكره اكتر 👇🏼

الانسان الطبيعي البالغ الراشد الغير رياضي كتير من الدراسات بتقول انو محتاج في اليوم كحد ادنى 2000 سعره حراريه عشان يعيش ويتعايش ويأدي واجباتو في الحياه كاإنسان طبيعي.✅👌🏽

يلا الاموره النحيفه دي لو حسبنا الاكل البتاكلو طوال اليوم ما بصل 1000 سعره حراريه وهي اصلا عندها معدل الحرق سريع يعني جسمها دا ما بخزن اي شي وهي بتدخل ليهو اقل من الاحتياج المطلوب عشان تعيش كاإنسانه طبيعيه بالتالي لو استمرت علي نفس الحال حتفضل نحيفه والنحافه دي ممكن تادي لامراض كتير في المستقبل بالذات عند البنات ✅

يلا يا حبيتي انتي اول حاجه مفروض تعمليها شنو 👇🏼
انك تقعدي مع اخصائية تغذيه ذات خبره وعلم
تحسب ليكي الاحتياج بتاعك من السعراة الحراريه
علي حسب وزنك وطولك ومعدل النشاط بتاعك(المجهود المبزول خلال اليوم)✅
الناتج البتقولو ليكي الاخصائيه دا 👌🏽👇🏼
حتقولي ليها زيدي لي عليهو500سعره حراريه😳

ليه تزيدو؟🤔

تزيد ليكي عشان الجسم ياخد كفايتو ويكون عندو مخزون اضافي من السعراة الحراريه وبالتالي تحصل زياده في الوزن 👏🏼👏🏼👏🏼

يلابعد دا نجي للنقطه المهمه ومفتاح النجاح💡🔑
مفتاح النجاح هو التمرين بالاحمال💪🏼

كر علي كيف الكلام دا ؟🤔

اول حاجه التمرين هو البفتح شهيتك وبخليكي تقدري تاكلي احتياجك من السعراة الحراريه ✅

التمرين هو البساعد جسمك في توصيل الغذاء للاماكن المستهدفه عن طريق طخ الدم فيها✅

التمرين هو المسؤول عن زيادة نسبة الهرمونات البنائه في جسمك✅

من الاخر كدا حبيبتي 

تغذيه سليمه + تمرين مع مختصة + راحة كافية + التزام وصبر واستمرار = جسم الأحلام

✅

ملاحظه مهمه💡المكملات الغذائيه والفايتمينات والاحماض الامينيه 
امنه وافضل من المواد التي تستخدم من قبل الفتياة لزيادة الوزن

✅

لو ما قريتي المقالة بتاعت تنحيف الخصر اضغطي علي كلمة هنـــا
ولو انتي سمينة وعايزة تضعفي اضغطي علي كلمة هنــــــــا
في الختام
اسأل الله العظيم ان اكون قد وفقت في هذا الطرح👆🏼

وإن بدر تقصير او نسيان فمني ومن الشيطان

واسأل الله العظيم ان يكون علمآ ينتفع به 

واتمني لكم دوام الصحة والعافيه

مشاركة

عن akhbarsudan